. 23న బ్లాక్ డే!...కేంద్రానికి డాక్టర్ల అల్టీమేటం

దేశ‌వ్యాప్తంగా రోగులకు సేవ‌లందిస్తున్న వైద్యులు, వైద్య సిబ్బందిపై రోగి త‌ర‌పు బంధువులు దాడులు చేయ‌డం ప‌రిపాటిగా మారింది. దీనిపై తాజాగా కేంద్రానికి ఐఎంఏ అల్టీమేట‌ం జారీ చేసింది.

 

 

                                                                                                          క‌రోనా వైర‌స్ విస్త‌రిస్తున్న‌వేళ త‌మ ప్రాణాల‌ను రిస్క్‌లో పెట్టి మ‌రీ వైద్య సిబ్బంది రోగుల‌కు చికిత్స అందిస్తున్నారు. అయితే దేశ‌వ్యాప్తంగా చాలా ప్రాంతాల్లో స‌హ‌నం కోల్పోయిన రోగుల బంధువులు వైద్యుల‌పై దాడులు చేస్తున్నారు. అయితే వీటిపై ఇండియ‌న్ మెడిక‌ల్ అసోసియేష‌న్ (ima) అస‌హ‌నం వ్య‌క్తం చేసింది. ఈ దాడుల‌పై కేంద్రం స్పందించి చ‌ట్టం తేవాల‌ని డిమాండ్ చేసింది. లేక‌పోతే ఏప్రిల్ 23న బ్లాక్‌డేను పాటించే అవ‌కాశాల‌ను ప‌రిశీలిస్తున్నామ‌ని తెలిపింది.తాము ప‌నిచేస్తున్న ప్ర‌దేశాలు సుర‌క్షితంగా ఉండాల‌ని కోరుకుంటున్న‌ట్లు ఐఎంఏ తెలిపింది. వ్య‌క్తిగ‌త దూష‌ణ‌లు, హింస వెంటనే ఆగిపోవాల‌ని పేర్కొంది. త‌మ‌పై జ‌రుగుతున్న దాడుల‌ను దేశ ప్ర‌జ‌ల దృష్టికి తీసుకొచ్చేందుకుగాను ఈనెల 22న డాక్ల‌ర్లంద‌రూ ఆస్పత్రుల్లో కొవ్వ‌త్తుల‌ను వెలిగించాల‌ని పిలుపునిచ్చింది.

మ‌రోవైపు త‌మ‌ డాక్టర్లపై జ‌రుగుతున్న దాడుల‌పై కేంద్రం త‌క్ష‌ణ‌మే చ‌ర్య‌లు తీసుకుని, క‌ఠిన చ‌ట్టాన్ని తేవాల‌ని ఐఎంఏ డిమాండ్ చేసింది. లేక‌పోతే ఈనెల 23న బ్లాక్‌డేగా పాటిస్తామ‌ని తెలిపింది. మ‌రోవైపు ఈ దాడుల అంశాన్ని కేంద్రం కూడా సీరియ‌స్‌గానే ఉంది. వీటిని క‌ట్ట‌డి చేయాల‌ని రాష్ట్రాల‌కు ఆదేశాలిచ్చింది. మ‌రోవైపు డాక్ట‌ర్ల‌పై దాడులు, లాక్‌డౌన్ ఉల్లంఘ‌న‌లు, సోష‌ల్ డిస్టెన్స్‌పై దృష్టి సారించేందుకుగాను కేంద్రం ఇప్ప‌టికే ఆరు ఇంట‌ర్ మినిస్ట్రీయ‌ల్ సెంట్ర‌ల్ టీమ్స్‌ను ఏర్పాటు చేసింది.